&$ضيف الأسبوع (الحلقه الثامنه)$& ضيف الحلقه؟؟؟؟؟ [الأرشيف]

مشاهدة النسخة كاملة : &$ضيف الأسبوع (الحلقه الثامنه)$& ضيف الحلقه؟؟؟؟؟

بــbadrــدر

23-08-2003, 06:49 PM

السلام عليكم

كيفكم ان شالله مبسوطين

ادري اني تأخرت كثير في طرح هذا الجزء ولاكن ظروف انقطاعي عن النت الفتره السابقه هي السبب

ولان ندعوكم لنتعرف على ضيف حلقتنا هذا الاسبوع

وهي اختنا ومشرفتنا الجديده والمجتهده المبدعه && الحايره &&

حياك الله اختي الحايره

وماراح اطول عليكم وندخل على طول في الأسئله .......

اولاً الأسئلة التقليديه
1 - البطاقة الشخصيه (هذا اكيد راح يكون في عالم النسيان :D)
============
2- الهويات
============
3- ماذا يمثل لك محيط العرب
============
4- سأذكر لك بعض الأسماء وذكر ماذا تمثل لك
1) أبو عبدالله
2) المهلهل
3) بدر
3) أعضاء المحيط
4) بوش
5) صدام
6) القدس
7) العراق
8) شارون
============
5- من هو العضو الذي تتمنى ان تقابله ولم تقابله
============
6- من هو العضو المميز في محيط العرب بدون مجاملة
============

7- كيف عرفتي منتديات محيط العرب ؟
============
اتمنى ان اكون وفقت في في أختيار الأسئله
واترك لكم المجال في طرح اسألتكم &&للحايره&&
والله الله بالاسئله الجامده يا شباب

ولي عوده معك ان شاء الله

وتقبل خالص تحياتي

بـحــر

25-08-2003, 12:34 AM

هلا وغلا اخ بدر والحمد لله على السلامه

من طوول الغيبات جاب الغايا اشكرك على موضوعك الشيق اللي يقرب الاعضاء من بعض ومبروك لأختنا الحايره على الاستضافه وتستاهل تكون ضيفت هذا الاسبوع طبعاً الاسئله جايه فالطريق

سلاااااام

*الحزينه*

25-08-2003, 06:36 PM

مشكور أخووي بدر على هذي الإستضافه..

والسموحه لو اتأخرت في الرد..

- البطاقة الشخصيه (هذا اكيد راح يكون في عالم النسيان

الحايره..

19 سنة..

برووح سنة أولى كلية..

الهوايات:

قراية القصص البوليسية.. كتابة خواطر(شويه)..

ماذا يمثل لك محيط العرب:

البيت الثاني..

4- سأذكر لك بعض الأسماء وذكر ماذا تمثل لك
1) أبو عبدالله : الريس الطيب..
2) المهلهل : إنسان مرح..
3) بدر : كنت احسبه في البداية انسان هادي.. بس طلع عكس كذا.. مرح وشيطان..:D
3) أعضاء المحيط : أخواني .. واحترمهم واايد..
4) بوش: الله يحرقه..
5) صدام : الله يراويه على أعماله..
6) القدس: مكان جميل وعزيز على قلوبنا..
7) العراق : مكان مهجور حاليا..
8) شارون: الله يعذبه عذاب اليم.. ظالم .. واكثر من كذا..

5- من هو العضو الذي تتمنى ان تقابله ولم تقابله

مافي شخص محدد..

- من هو العضو المميز في محيط العرب بدون مجاملة

بصرااحه كثار..

7- كيف عرفتي منتديات محيط العرب ؟

كان عندي موضوع في منتدى من المنتديات.. ابحث فيه عن أشعار الشاعرة عابرة سبيل..فسويت بحث في قوقل وشفت المنتدى.. وعجبني وسجلت فيه..

سلااامتكم

اتمنى إني جاوبت على اكثر الأسئلة..

وعطيتهم حقهم من الجواب..:)

وحيد

28-08-2003, 01:30 AM

هلا والله الضيف الحايره
مبروك انك بتروحين اول كليه
س 1 ليش تسميني الشرير؟
س 2 من هو عدوك الدود في هذا المنتدى اللى غيري؟
س3 تحبين الافلام البوليسيه ليش ما تحيبن افلام الرعب او افلام كرتون ؟
ارجو ان تكون اسئلتي غير محرجه وان تجاوبي عليها بكل صراحه وخصوصا السؤال الثاني

*الحزينه*

28-08-2003, 09:46 AM

هلااا بيك اخووي وحيد..
الله يبارك فيك..:)

س 1 ليش تسميني الشرير؟

بصرااحه بالمزح.. ولو زعلت السموحه والله.. بس لأنك دايما ضدي.. ودخلني السجن:D..

س 2 من هو عدوك الدود في هذا المنتدى اللى غيري؟

بصرااحه ماعندي أعداء.. وكلكم أخواني.. بس قول أكثر ناس يحبون يحطوني في السجن وهم أعدائي.. بالمزح.. وحــــيد .... وبـــحر..

س3 تحبين الافلام البوليسيه ليش ما تحيبن افلام الرعب او افلام كرتون ؟

ايوه أنا أحب الأفلااام البوليسية.. وحب أفلااام الرعب بعد واايد.. لنه فيه إيثاره.. وحماس.. وافلااام الكرتون احبها.. بس القليل منها.. على حسب المزاج..;)..

وتحياتي لك..وإن شالله إني وفقت في الإجابة على الأسئلة..:)

وحيد

28-08-2003, 10:15 AM

يا سلم
تحبين بعد افلام الرعب
س1 ما تخافين تحلمين في الليل اذا شاهدتي افلام رعب

تحياتي

*الحزينه*

28-08-2003, 10:24 AM

س1 ما تخافين تحلمين في الليل اذا شاهدتي افلام رعب؟

لااا الطيب ساعاات بس اخاف إذا كان الفلم واايد يخوف.. بس عادي عندي أقرا القرآن والأدعيه ونام.. وأكثر شي أضحك لما اشوف افلااام الرعب.. لأنه كله جذب في جذب..:D:D:D:D:D

ربي يعطيك العافية .. مشرفنا الطيب..

بـحــر

29-08-2003, 03:48 PM

مرحبا الحايره تفضلي جاوبي :)

س من هو قدوتك فالحياة؟

سماهي نظرتك للمستقبل؟

س من هي الحايره.؟وليه اخترتي هذا الاسم .؟هل هو ينطبق على شخصيتك ام انه مجرد اسم!؟

سماذا تعني لك الكلمات التاليه:

_الحب _ الكذب _ الحسد _ السلام _ البحر _

س ماهي اغلى امنيه تمنيتيها بحياتك ولم تتحقق ؟

بصراحه انا كنت اتوقع انك عمرك اكبر من كذى :rolleyes: لكن بما انك عمرك 19 سنه ورايحه لأول كليه أقول ماشاء الله عليك والعمر كله ان شاء الله:):) لكن جاء سؤال ماكان فالحسبان وهو انه بعض البنات يرسموا لفارس احلامهمن صفات واشكال وطبع خاص بهمن و..الخ,, إذن انتي منهم ام ان لكي راي ثاني . وماهو رايك اذا كان هناك راي؟؟:confused:

س ماهي اكلتك المفضله .. وكم ساعة تقضيها على النت ؟

س ماهي حكمتك فالحياة ؟؟

س هل زرتي المسجد الحرام بمكه والمدينه ؟؟

واخيراً وليس آخراً اتمنى مااكون ثقلت عليك ولو انه باقي اسئله لكن مابا اثقل عليك اكثر من كذى . ولك حرية الاجابه .,

واتمنالك التوفيق

*الحزينه*

29-08-2003, 06:13 PM

هلااا أخووي بحر..

س من هو قدوتك فالحياة؟

رسولنا الكريم.. محمد صلى الله عليه وسلم..
سماهي نظرتك للمستقبل؟

اتمنى إني أحقق اللي في بالي..

من هي الحايره.؟وليه اخترتي هذا الاسم .؟هل هو ينطبق على شخصيتك ام انه مجرد اسم!؟

الحايره انسانه هاديه ومشاكسه في نفس الوقت.. ومتواضعه والحمد لله.. بس كذا.. لاااينطبق على شخصيتي.. مجرد اسم..

سماذا تعني لك الكلمات التاليه:

_الحب _ الكذب _ الحسد _ السلام _ البحر

الحب: كل انسان يحتاجه.. العطف والحنان..

الكذب: اكره هذا الشي.. يولد الكرااهيه بين الناس..
الحسد: الله يحمينا منه.. ويحفظنا منه.. وهو حق ومذكور في القرآن..

السلام: افضل شي لدي.. واتمنى إنه يعم البلدان كلها..

البحر: مكان لبوح مافي الداخل ومنظر راائع..

ماهي أغلى أمنية تمنيتها في حياتك ولم تتحقق؟

إني ارووح بيت الله الحرام..

بصراحه انا كنت اتوقع انك عمرك اكبر من كذى لكن بما انك عمرك 19 سنه ورايحه لأول كليه أقول ماشاء الله عليك والعمر كله ان شاء الله لكن جاء سؤال ماكان فالحسبان وهو انه بعض البنات يرسموا لفارس احلامهمن صفات واشكال وطبع خاص بهمن و..الخ,, إذن انتي منهم ام ان لكي راي ثاني . وماهو رايك اذا كان هناك راي؟؟

:):).. بصرااحه انا راضيه باي شخص بس.. يخاف ربه.. وحافظ على الصلاه ومايكون ملتزم وااايد.. وبس:).. وكون طيب واخلاااقه ممتازه.. بصرااحه مايهمني المظهر يهمني الجوهر من داخل..:)

س ماهي اكلتك المفضله .. وكم ساعة تقضيها على النت ؟

ماعندي أكله مفضله.. اقعد 4 أو 5 ساعات في اليوم..

س ماهي حكمتك فالحياة ؟؟

ارحموا من فالأرض يرحمكم من في السماء..

س هل زرتي المسجد الحرام بمكه والمدينه ؟؟

لااااااااااااااااااااء:(.. إن شالله أزوره..:)

أتمنى إني وفقت في الإجابه على الأسئله..

تحياتي لك..:)..

وحيد

29-08-2003, 07:55 PM

الحايره
بصرااحه ماعندي أعداء.. وكلكم أخواني.. بس قول أكثر ناس يحبون يحطوني في السجن وهم أعدائي.. بالمزح.. وحــــيد .... وبـــحر..
هذا اعتراف منك
س/ لو لا قدر الله واصبحتي نائبه المشرف العام ماذ تفعلين بي وبصديقي بحر ؟

ابغى اجابه بصراحه

بـحــر

30-08-2003, 04:11 AM

الحايره
الف شكر لك على اجاباتك الحلوه ...

على فكره كم باقي يوم وتنتهي الضيافه ..يمكن باقي اسئله ;)

*الحزينه*

30-08-2003, 09:18 AM

هلااا مشرفنا المبدع الشرير .. وحيد..

س/ لو لا قدر الله واصبحتي نائبه المشرف العام ماذ تفعلين بي وبصديقي بحر ؟

هههههههههههههههههه.. أول شي ما تمنى اكون في هذا المنصب..

وبعدين بصرااحه مابسوي شي.. بس لو بالمزح بحطكم بالسجن وبقفل الموضوع وفي الوقت اللي ابغي بطلعكم..:D:D:D:D:D

مشكور أخووي على روح المرح اللي عندك..

ربي يوفقك..:)

*الحزينه*

30-08-2003, 09:19 AM

مرحبا مشرفنا الشرير 2 .. بحر..

أخووي تفضل اسال اللي في خاطرك وإن شالله أجاوب.. لأنه فترة الضيافه بتخلص..:D:D:D

ربي يوفقك..:)

بـحــر

31-08-2003, 04:56 AM

ليه ماتتمنين تكوني نائبة المشرف ؟

مع اني احس انه يليق بك !! بس بعدين لازم يصير واحد مننا ياانا وحيد نائب المشرف:D عشان تتساوى الصلاحيات

السوال اللي حبيت اقوله كم منتدى مشتركه فيه ؟ ومشرفه عليه ولو خيروك تكوني بمنتدى واحد اي واحد تختاري منهم؟؟:rolleyes:

*الحزينه*

31-08-2003, 08:57 AM

هلا أخووي بحر..

ليه ماتتمنين تكوني نائبة المشرف ؟

بصرااحه يكفيني مشاكل إشراف قسم.. بعد اكون نايبه.. مستحيل..

السوال اللي حبيت اقوله كم منتدى مشتركه فيه ؟ ومشرفه عليه ولو خيروك تكوني بمنتدى واحد أي واحد تختاري منهم؟

صرااحه أخووي سؤالك قوي شويه.. بس اتعرف انا بجاوب بكل صرااحه.. واتمنى إنكم ماتزعلون مني.. لأن هذي الأيام الصراحه صارت اتزعل.. أنا مشاركه بكذا منتدى.. يعني كثار..بس تركتهم الحين.. وبس الحين اشارك في 3 منتديات .. منتدى اخوي ومحيط وشوق..

ومشرفه على الثلاث منتديات..

ولو خيروني.. بصراحه

ماقدر استغنى عن اي منتدى .. وبكون صعب علي.. ومابقول اي منتدى تفادي للزعل..;):P..

اخووي بحر انته ناوي على ياشرير بسؤالك هذا;):D;)..

ربي يعطيك العافية إن شالله..

*الحزينه*

01-09-2003, 11:24 AM

هلااا اخووي عزيز..

والله في ايام كثيره منها المحرجه ومنها الحلووه..

وبصرااحه ماذكر الحين..

واحلى يوم مابنساه لما تخرجت من الثانويه العامه بنسبه حلووه..

سلااام:D:D:)

المهلهل

05-09-2003, 06:44 PM

الحايرة

تقولين

ولو خيروني.. بصراحه

ماقدر استغنى عن اي منتدى .

*الحزينه*

05-09-2003, 11:00 PM

صحيح أخوي المهلهل..

والله إني ماقدر استغنى عن منتدى محيط.. بس مدام أنا أحب المنتدى وأحترم اعضائه.. لازم اطلع عشان.. يبقى المنتدى هادي وبدون منازعات..

ومزح ثقيل مني..

تحياتي لكم..

جمان

14-09-2003, 11:29 PM

س/سؤال..

ممكن اعرف سبب ادخالك لحضره جنابي السجن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

:D انا شمسويتلك؟؟؟؟؟؟؟ ..

أهأ .. أهأ .. أهااااااااااا ــــ ــــ ــــ /قاعده ابكي /

ااااااااااااااااااااااااااااااااااااااا..

.. ... جمان ... ..

*الحزينه*

15-09-2003, 04:24 PM

ماشي اختي جمان..
ماسويتيلي شي..

بس هذي لعبه ولازم تستحملينها..:D:D

جمان

15-09-2003, 09:14 PM

استحمل ..استححححححححححممممممممممممممل سجن !!

الله يعين على الصراصييييييييير .. وع

.............. جمان ...........